மதராஸி படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது

நடிகர் சிவகார்த்திகேயன் நடிப்பில், இயக்குனர் ஏ.ஆர். முருகதாஸ் இயக்கத்தில் நேற்று திரையரங்குகளில் வெளியான திரைப்படம் மதராஸி. இப்படம் ரசிகர்களிடையே மிகுந்த வரவேற்பை பெற்றுள்ளது. சமூக வலைத்தளங்களில் படத்திற்கு நேர்மறையான விமர்சனங்கள் குவிந்து வருகின்றன. 

ரசிகர்கள் மத்தியில், படத்தின் சண்டைக் காட்சிகளும், காதல் காட்சிகளும் சிறப்பாக இருப்பதாக பலரும் கருத்து தெரிவித்து வருகின்றனர். குறிப்பாக, படத்தின் இடைவேளை காட்சி மிகவும் பரபரப்பாகவும், எதிர்பார்ப்பை பூர்த்தி செய்வதாகவும் பலரும் பகிர்ந்து வருகின்றனர். சில ரசிகர்கள், படத்தின் கதைக்களம் கஜினி மற்றும் துப்பாக்கி படங்களின் சாயலில் இருப்பதாக கூறியுள்ளனர். இருப்பினும், ஒட்டுமொத்தமாக படத்திற்கு நல்ல வரவேற்பு கிடைத்துள்ளது.

மதராஸி படத்தின் மூலம் இயக்குனர் ஏ.ஆர். முருகதாஸ் ஒரு சிறந்த வெற்றியை பெற்று, திரையுலகில் மீண்டும் தனது இடத்தை உறுதிப்படுத்தியுள்ளார். அதேபோல், நடிகர் சிவகார்த்திகேயனின் திரை வாழ்வில் இப்படம் ஒரு முக்கியமான படமாக அமைந்துள்ளது.