நடிகர் மற்றும் சமூக சேவகர் விவேக் இன்று காலமானார்

இன்று சனிக்கிழமை அதிகாலை சென்னை மருத்துவமனையில் மாரடைப்பு காரணமாக நடிகர் விவேக் தனது 59 வயதில் காலமானார்.

விவேக் திரைத்துறையில் நன்கு அறியப்பட்ட பன்முக நடிகர். அவர் ஒரு நடிகர் மற்றும் நகைச்சுவை நடிகர் மட்டுமல்ல, ஒரு சமூக ஆர்வலரும் கூட. அவர் தனது நகைச்சுவை மூலம் சுற்றுச்சூழலைப் பாதுகாக்கவும் சேவை செய்யவும் குழந்தைகளை ஊக்கப்படுத்தியுள்ளார்.

2009 ஆம் ஆண்டில், கலைகளுக்கு பங்களிப்பு செய்வதற்காக இந்திய அரசு விவேக்கிற்கு பத்மஸ்ரீ விருதை வழங்கியது. அவரை திரையுலகில் அறிமுகப்படுத்தியவர் இயக்குனர் கே.பாலசந்தர்.

220 க்கும் மேற்பட்ட படங்களில் நடித்த அவர் 3 பிலிம்பேர் விருதுகளை சிறந்த நகைச்சுவை நடிப்பிற்காக  வென்றார். ரன், சாமி, மற்றும் பேரழகன் ஆகிய திரைப்படங்களில் நடித்ததற்காக பிலிம்பேர் விருதுகள் பெற்றார்.

நேற்று காலை  நடிகர் விவேக் திடீர் உடல்நல குறைவால் சென்னை சிம்ஸ் தனியார் மருத்துவமனைக்கு கொண்டு செல்லப்பட்டார். அவர் சுயநினைவின்றி அனுமதிக்கப்பட்டுள்ளார், தொடர்ந்து நடிகர் விவேக்கின் நிலை மோசமாகத்தான் இருந்ததாக மாலை வரை மருத்துவர்கள் தெரிவித்திருந்தனர்.

பிறகு அவரது உடல்நிலையில் சிறிது முன்னேற்றம் ஏற்பட்டது. பொது செய்தித் தொடர்பாளர் நிகில் முருகன் கூட விவேக்கின் உடல்நிலை நலமடைந்து வருவதாகக் கூறினார்.

இந்நிலையில், இன்று சனிக்கிழமை அதிகாலை 4.45 மணியளவில், தீவிர சிகிச்சைக்குப் பிறகும் நடிகர் விவேக் காலமானார்.

ஒரு அற்புதமான மனிதர், மக்களை சிரிக்க வைத்தவர், இயற்கையை காப்பாற்ற லட்சக்கணக்கான மரங்களை பலருடன் சேர்ந்த சமூக பணியாற்றியவர், இனி இவர் நம்முடன் இல்லை என்பதை ஏற்றுக்கொள்வது கடினம்.