₹25.20 கோடிக்கு கேமரூன் கிரீனை தட்டித் தூக்கிய கொல்கத்தா
ஐபிஎல் 2026 சீசனுக்கான மினி ஏலம் இன்று அபுதாபியில் தொடங்கியது. ஆரம்பத்திலேயே பரபரப்பைக் கிளப்பிய ட்ரேட் செய்தியாக, ஆஸ்திரேலிய ஆல்ரவுண்டர் கேமரூன் கிரீனை...
ஐபிஎல் 2026 சீசனுக்கான மினி ஏலம் இன்று அபுதாபியில் தொடங்கியது. ஆரம்பத்திலேயே பரபரப்பைக் கிளப்பிய ட்ரேட் செய்தியாக, ஆஸ்திரேலிய ஆல்ரவுண்டர் கேமரூன் கிரீனை கொல்கத்தா நைட் ரைடர்ஸ் (KKR) அணி நிர்வாகம் அதிக விலைக்கு வாங்கியுள்ளது. இவரை வாங்க KKR, சென்னை சூப்பர் கிங்ஸ் மற்றும் ராஜஸ்தான் ராயல்ஸ் இடையே கடும் போட்டி நிலவியது.
கேமரூன் கிரீனை கொல்கத்தா அணி ரூ.25.20 கோடி என்ற பிரம்மாண்ட தொகைக்கு வாங்கி வரலாற்றுச் சாதனை படைத்துள்ளது. இதன் மூலம், இவர் ஐபிஎல் வரலாற்றில் அதிக விலைக்கு வாங்கப்பட்ட வெளிநாட்டு வீரர் என்ற புதிய சாதனையைத் தனதாக்கிக் கொண்டார். இது கடந்த ஏலத்தில் மிட்செல் ஸ்டார்க் பெற்ற தொகையை விட அதிகம் என்பது குறிப்பிடத்தக்கது.
KKR அணியின் இந்த அதிரடி முடிவு, தங்கள் அணியில் இருந்த ஃபாஸ்ட் பவுலிங் ஆல்ரவுண்டர் வெற்றிடத்தை நிரப்பும் நோக்கில் எடுக்கப்பட்டது. பேட்டிங், வேகப்பந்துவீச்சு மற்றும் ஃபீல்டிங் என பன்முகத் திறமை கொண்ட கிரீன்-ன் வருகை, KKR அணியின் மிடில் ஆர்டருக்கு கூடுதல் பலம் சேர்க்கும் என்று எதிர்பார்க்கப்படுகிறது.
விதிமுறையின்படி, வெளிநாட்டு வீரர்களுக்குச் செல்லும் அதிகபட்ச சம்பளம் ரூ.18 கோடிதான் என்றாலும், ₹25.20 கோடிக்கு ஏலம் எடுத்ததன் மூலம், KKR தங்கள் வீரர் தேர்வு மீதான உறுதியான நம்பிக்கையை வெளிப்படுத்தியுள்ளது. மீதமுள்ள தொகை பிசிசிஐ வசம் செல்லும் என்பது குறிப்பிடத்தக்கது.