பிரபல நடிகை லட்சுமி மேனன் சர்ச்சையில் சிக்கியது ஏன்?

தமிழ் சினிமாவின் முன்னணி நடிகைகளில் ஒருவராக வலம் வந்த நடிகை லட்சுமி மேனன், தற்போது ஒரு குற்ற வழக்கில் சிக்கி தலைமறைவாக இருப்பதாகத் தகவல்கள் வெளியாகியுள்ளன.

சமீபத்தில் கேரளாவைச் சேர்ந்த ஒரு ஐ.டி ஊழியர், ஒரு கும்பலால் தாக்கப்பட்டதாக காவல் நிலையத்தில் புகார் அளித்துள்ளார். காவல்துறை நடத்திய விசாரணையில், இந்த சம்பவத்தில் நடிகை லட்சுமி மேனனுக்கும் தொடர்பு இருப்பது தெரியவந்துள்ளது. இந்த தகவலை அடுத்து, நடிகை லட்சுமி மேனன் தலைமறைவாகிவிட்டதாகக் கூறப்படுகிறது. அவரை தேடும் பணியில் கேரள போலீஸ் தீவிரமாக ஈடுபட்டுள்ளது.

'கும்கி' மற்றும் 'சுந்தர பாண்டியன்' போன்ற வெற்றிப் படங்களில் நடித்து, தமிழ் ரசிகர்களின் மனதில் இடம் பிடித்த லட்சுமி மேனன், இதுபோன்ற ஒரு சர்ச்சையில் சிக்கியிருப்பது அவரது ரசிகர்களுக்கு பெரும் அதிர்ச்சியை ஏற்படுத்தியுள்ளது.

இந்த விவகாரம் குறித்து சமூக வலைத்தளங்களில் பரவலாகப் பேசப்பட்டு வருகிறது.